ചലച്ചിത്രമേളയുടെ മീഡിയ പാസ്സുകള്ക്ക്
അപേക്ഷിക്കാന്‍ മാധ്യമപ്രവര്‍ത്തകര്‍ക്ക് ഇന്ന്
(നവംബര്‍ 28) വൈകിട്ട് അഞ്ചു മണിവരെ
അവസരമുണ്ടാകും. www.iffk.in എന്ന വെബ് സൈറ്റിലൂടെ
ഓണ്‍ലൈനായി രജിസ്റ്റര്‍ ചെയ്യണം. ഐ&പി.ആര്‍.ഡിയുടെയും
പി.ഐ.ബിയുടെയും മീഡിയ ലിസ്റ്റില്‍ ഉള്‍പ്പെട്ടിട്ടുള്ള മാധ്യമങ്ങള്‍ക്കു മാത്രമെ
പാസ്സുകള്‍ ലഭ്യമാകൂ. സിനിമാ പ്രസിദ്ധീകരണങ്ങള്‍, സിനിമയുമായി ബന്ധപ്പെട്ട ഓണ്‍ലൈന്‍ പോര്‍ട്ടലുകള്‍ തുടങ്ങിയവയ്ക്കും മീഡിയ
പാസ്സിന് അര്‍ഹതയുണ്ടാകും. പാസ്സ് നല്‍കേണ്ടവരുടെ പേരുവിവരങ്ങളടങ്ങിയ ബ്യൂറോ
ചീഫുമാര്‍ സാക്ഷ്യപ്പെടുത്തിയ കത്തുകള്‍
നവംബര്‍ 29 ന് വൈകിട്ട് അഞ്ച് മണിക്കകം
ചലച്ചിത്ര അക്കാദമി ഓഫീസില്‍ പ്രവര്‍ത്തിക്കുന്ന മീഡിയാ സെല്ലില്‍ എത്തിക്കണം. ഓണ്‍ലൈന്‍
രജിസ്‌ട്രേഷന്‍ വിവരങ്ങളും ബ്യൂറോചീഫിന്റെ സാക്ഷ്യപത്രവും പരിശോധിച്ച് അര്‍ഹരായവര്‍ക്ക്
പാസ്സുകള്‍ വിതരണം ചെയ്യും.
രജിസ്‌ട്രേഷനുള്ള
നിര്‍ദ്ദേശങ്ങള്‍:
·
www.iffk.in എന്ന വെബ്‌സൈറ്റ്
സന്ദര്‍ശിക്കുക.
·
മീഡിയ രജിസ്‌ട്രേഷന്‍
ലിങ്ക് തുറക്കുക.
·
ഐ.ഡി.എസ്.എഫ്.എഫ്.കെ. 2014 ല്‍ മീഡിയ പാസിനായി രജിസ്റ്റര്‍ ചെയ്തിട്ടുള്ളവര്‍ക്ക് പഴയ ഐ.ഡി.യും പാസ്‌വേഡും
ഉപയോഗിച്ച് ലോഗിന്‍ ചെയ്യാവുന്നതാണ്. പാസ്‌വേഡ് മറന്നുപോയവര്‍ ലോഗിന്‍ പേജില്‍ forgot password എന്ന ലിങ്ക് ക്ലിക്ക് ചെയ്ത് പാസ്‌വേഡ് റീ-സെറ്റ് ചെയ്യാവുന്നതാണ്.
·
പുതിയതായി രജിസ്റ്റര്‍
ചെയ്യുന്നവര്‍ പേര്, ഇ-മെയില്‍ വിലാസം, പാസ്‌വേഡ് എന്നിവ നല്‍കി സൈന്‍-അപ്പ് ചെയ്യുക. (ഇംഗ്ലീഷ് അക്ഷരമാലയിലെ ഒരു
ചെറിയക്ഷരം, ഒരു വലിയക്ഷരം, ഒരു നമ്പര്‍ എന്നിവ പാസ്‌വേര്‍ഡില്‍ ഉണ്ടായിരിക്കണം.)
·
വെരിഫിക്കേഷന്‍
ഇ-മെയിലിലെ click here എന്ന ലിങ്ക് തുറക്കുക.
·
വിസിറ്റര്‍ പേജില്‍
ഇ-മെയില്‍ വിലാസവും പാസ്‌വേഡും ഉപയോഗിച്ച് ലോഗിന്‍ ചെയ്ത് വ്യക്തിഗത വിവരങ്ങളും
മൊബൈല്‍ നമ്പരും നല്‍കി സേവ് ചെയ്യുക.
·
ശേഷം മീഡിയ ലിങ്കില്‍
ക്ലിക്ക് ചെയ്ത് പ്രൊഫഷണല്‍ ഡീറ്റയില്‍സ് നല്‍കുക.
·
Request confirmation mail ലഭിക്കുന്നതോടെ മീഡിയ രജിസ്റ്റര്‍ പൂര്‍ത്തിയാകും.
No comments:
Post a Comment